पञ्चासेमा रहेको तमागी संग्राहलय अध्ययन अनुसन्धान केन्द्र समुद्घाटन

पोखरा महानगरपालिका वडा नं, २३ मा अबस्थित पञ्चासे तमागीमा रहेको तामागी संग्राहलय अध्ययन अनुसन्धान केन्द्र समुद्घाटन भएको छ।

प्रकृति , संस्कृति , जैबिक बिबिधता र पर्यावरण संरक्षण गर्दै प्रकृति , संस्कृति र जैबिक बिबिधता अध्ययन अनुसन्धान गर्ने उद्धेश्यले समाजसेवी हेम बहादुर गुरुङले निर्माण र संस्थापक अध्यक्षका रुपमा स्थापना गर्नुभएको तामागी संग्राहलय अध्ययन अनुसन्धान केन्द्र ( गुठी ) फागुन १७ गते संग्राहलय स्थल पञ्चासे तमागीमा स्थापना गरिएको हो।

 

कार्यक्रममा संग्राहलय स्थापनामा सहयोग गर्ने नर्वेजियन सहयोगदाता र स्थापनामा सहयोग गर्ने पञ्चासे तमागीमा जन्म भएका पञ्चासे तमागीबासी सहयोगदाताहरुलाई प्रशंसा पत्र प्रदान गरिएको थियोे ।

कार्यक्रममा बोल्दै तामागी संग्राहलय अध्ययन अनुसन्धान केन्द्र ( गुठी) का संस्थापक अध्यक्ष समाजसेवी हेम बहादुर गुरुङले यो संस्थाले सैयौँ विद्यार्थी ,विद्यालय,अध्ययन अनुसन्धान कर्ताहरुलाई संस्कृति परम्परा बारे वुझ्न र जैबिक बिबिधता पर्यावरण अध्ययन अनुसन्धान कार्यमा समेत सहयोग पुर्याउने अपेक्षा रहेको बताउनुभएको थियो।

पञ्चासे क्षेत्रमा पर्ने सुन्दर पर्यावरणीय गाउँ तामागीमा स्थापना भएको तामागी संग्राहलय अध्ययन अनुसन्धान केन्द्र (गुठी ) ले पर्यावरण ,संस्कृति, प्रकृति, जैबिक बिबिधता अध्ययन अनुसन्धानमा सहयोग पुर्याउने अपेक्षा गरिएको छ।

कार्यक्रममा बोल्दै पोखरा महानगरपालिका वडा नं ,२३, का वडाध्यक्ष रामकाजी गुरुङले पर्यावरण , संस्कार , संस्कृति , जैबिक बिबिधता अध्ययन अनुसन्धानमा यो अध्ययन अनुसन्धान केन्द्रले सहयोग गर्नाका साथै अध्ययन अनुसन्धान पर्यटनलाई बढवा दिन समेत महत्त्वपूर्ण सघाउ पुर्याउने बताउनुभएको थियो।