पञ्चासे पदमार्गमा सुवास छरिरहेका बहुमूल्य पञ्चासे सुनाखरी

प्रसिद्ध धार्मिक, पर्यटकीय एबं साँस्कृतिक तीर्थस्थल पञ्चासे जैविक बिबिधता, पर्यावरणीय स्वच्छता र ग्रामीण पर्यटनका निम्ति अति महत्त्वपूर्ण क्षेत्रका रुपमा रहिअाएको छ।

पञ्चासे बन संरक्षण क्षेत्र (५७७५ हेक्टर ) सुनाखरी जंगल पर्यावरण, जैबिक बिबिधता र पर्यापर्यटन हब पनि हो। 

पञ्चासे क्षेत्र १४३ प्रजाति सुनाखरी पाईने र विश्वमै पञ्चासेमा मात्रै पाईने २ प्रजाति सुनाखरी पाईने हिसाबले पनि सुनाखरी बगानयुक्त पुष्प बगैंचा क्षेत्रका रुपमा परिचित छ।

जैबिक बिबिधता, पर्यापर्यटन, बन, बन्यजन्तु र वातावरण संरक्षण क्षेत्रका रुपमा परिचित पञ्चासे क्षेत्रमा अध्ययन, अनुसन्धान, पर्यावरण विचरणका लागि सैँयौ विद्यार्थीहरु पदयात्रामा अाउँने गर्दछन्। 

पञ्चासे पदयात्रा बिन्दु पोखरा महानगरपालिका वडा नं , २३ मकानपुर देखि पञ्चासे चुचुरो (२५१७ मि. ) पदयात्रामा सैयौँ सुनाखरीहरु बाटोमा सुगन्ध बाडिरहेका छन् र पदयात्रीलाई स्निग्ध अमिट साईनो गाँसिरहेका छन्।

पञ्चासे क्षेत्र पर्यावरणीय छटाहरुको हिसाबले सुन्दर जैबिक बिबिधता उद्धान क्षेत्रका रुपमा परिचित छ भने पञ्चासेमा सैयौ बनस्पति, सैयौ जडिबुटी, सैयौ पुष्प बनस्पति र अमूल्य पर्यावरणीय छटाहरु पाईने गर्दछन्।